قصص المتفوقين

بلشت القصة بحلم ..... اني أطلع من الأوائل ع حلب ؛ سجلت بمعهد النخبة لثقتي الكبيرة بالمعهد وبدأت بالتحضير لمسيرة طويلة وصعبة ؛ كنت تابع الدروس أول ب اول مع أساتذتي ؛ ومع هيك كانت تعدي فترات كتير قصر فيها وأتراجع بسبب الملل أو التوتر بس بعدين لما شوف رفقاتي عم يتابعو ويشتغلو كنت أرجع أتذكر حلمي وأتشجع وأوقف من أول وجديد.

خلصت المنهاج مع المعهد بوقت مريح وكان في وقت كافي للمراجعة ؛ الأساتذة تابعونا لوقت الفحص ورغم كل الظروف اللي صارت المعهد بقي واقف معنا وفاتحلنا بوابو ؛ وصحيح كنت لاقي صعوبة بضغط المذاكرات بس أنا متأكدة المذاكرات هي أهم شي بيضمنلك العلامة التامة بالامتحان النهائي .

وبالأخير  بعد ها التعب كانت النتيجة حلوة كتير والحمد لله طلعت السادسة ع حلب وقدرت أرفع راس أهلي واسم معهدي.

صحيح البكالوريا سنة صعبة بس بنفس الوقت حلوة وممتعة وبتعلمك الصبر والتمسك بحلمك لو شو ما صار.

شكرا كتيير لأهلي وأساتذتي ورفقاتي وكل الشكر لمعهد النخبة  ادارة واشرافا واللي هو بيتي التاني. اهتمو فيني كأنهم اهلي .