قصص المتفوقين

أنا الطالب محمد جابر عرب

حصلت بفضل الله على المرتبة الخامسة بحلب بمجموع 2879/2900-2379/2400

درست سنة البكالوريا بمعهد النخبة.. اللي خلاني حصّل هالنتيجة
اكيد ما كان سهل جيب هيك مجموع بس مع المذاكرات صرنا نتعود عالأسئلة

ما كان في برنامج امشي عليه غالباً بس أدرس شو أخدت لا زيادة ولا نقص و كنت ادرس 3 او 4 ساعات
باليوم و احيانا توصل لل 6 لما يكون في مذاكرة تقيلة طبعا هالدراسة وصلت لل10 ساعات وقت الفحص و ايام اكتر
الحمدالله ما انحرمت من شي خلال السنة
طلعات مع الرفقة بعد المعهد و قبلو بس طبعاً بنظام من دون ما زودها والموبايل معي كل السنة و حاولت قدر الامكان خفف استخدام الفيس و هالشغلات و وصل استعمالي لالو  بس مجرد اتفرج عمسلسل و ابعت عالواتس  

كل مادة كان في الا شي خاص فيا
العلوم ممكن تنحفظ بس بتوقف مع الواحد عنقطة مشان ياخد العلامة و كل ما الواحد قدم مذاكرات بيتعود عهالنكشات

الرياضيات الكتاب وحدو ما بكفي لازم الواحد يحل نماذج أسئلة خارجية لحتى يحصل عالخبرة اللي بتخلي يحل السؤال من دون ما حتى يفكر

الفيزيا نفس الحكي كمان لازم كنا نتعود عحل المسائل و ننتبه لصيغة السؤال لانو كتير ممكن ينفهم غلط

الكيميا كانت من المواد السهلة بالنسبة لالي وما تعذبت بدراستا وهالحكي للقومية كمان

بالنسبة للغات اصعبا العربي و بدا شغل و بعدين الفرنسي و اسهلون الانكليزي بس هالشي ما بيعني انو الواحد بيضمن التامة القصة بتوقف احيانا عحرف جر او حتى فاصلة مو بمحلا بالموضوع و لازم الواحد ما يستهونا

انا عفت الديانة لآخر السنة بس هالشي كان غلط لانو لقيت صعوبة فيا آخر السنة و حتى خفت انكسر فيها لانو تفاجأت بدروس حسيت اول مرة بشوفا و التلاوة و الحديث و استحفاظ ما بكفو لحالون لانو اصغر غلط فيون عليه نص علامة اللي بتوقف بين نجاح الواحد و رسوبو
.
للاسف انغريت بحالي بالرياضيات و اعتبرت حالي انو بسكرا بالسهل بس لمجرد انو في طلب ما انتبهتلو خلاني ضيّع التامة و بتمنى ما حدا يغلط نفس الغلط او ينغر بحالو
لولا اساتذتي اللي تعبو معنا و اللي نبهونا عكتير شغلات ما كنت جبت هيك مجموع

ولولا اهلي اللي وفرولي كلشي لزمني خلال السنة و وقت الفحص ما كنت قدرت ارفع راس اهلي بهالمجموع

وكل الشكر لمعهد النخبة عالمتابعة المستمرة و اساتذتي عتعبون معنا...الحمدالله الله ما ضيعلنا تعب