قصص المتفوقين

مرحبا.. اسمي زين قطاية بكالوريا 2020 مجموعي 239.9/240 .

طبعاً الوصول لهاد التفوق وتحقيق هاد الحلم اتطلب كتير جهد وتعب على مدار 12 شهر لحتى قدرت أوصل لهون.

بداية من إدارة معهد النخبة وأساتذتي الي كانوا متابعين النا بكل درس مناخده وخاصة لما اتسكروا المعاهد بالشهر التالت مع أنه نحنا كنا خالصين المنهاج بالكامل ومع هيك ما تركونا ولا لحظة ومذاكرات على مدار ال3 أشهر ولآخر يوم بالفحص.

وتانياً عائلتي الي كانت توفرلي الهدوء والدعم والجو المناسب للدراسة وأخيراً إصراري على الوصول للشي الي كان ببالي على الرغم من الصعوبات الي أي شخص بهي المرحلة ممكن يواجهها متل الإحساس الفشل بأوقات معينة والملل من السنة الي بتحسها ما راح تخلص والمنافسة الشديدة والآراء السلبية من البعض الي ممكن يكون الها أثر سلبي على خطوات بعض الطلاب ف ضروري عدم الاستماع لحكي أي شخص أو رأيه بأداءك وعلاماتك مشان موضوع الإحباط ...وتانياً محاولة تنظيم الدراسة بالشكل الي بتحس حالك ارتحت فيه ..يعني انا مثلاً كنت ابدأ دراسة الساعة 4 او 5 الصبح وخاصة لمادة العلوم لأنه الذهن بكون فاضي بهاد الوقت والنوم أكيد بكير يعني بل10ومعدل نوم 7 أو 8 ساعات باليوم ومن دون زيادة إجهاد على نفسك لأنه هاد الشي ما رح يخليك تنجز أكتر ف وقت التعب أكيد في راحة وفي موبايل وبتمارس حياتك الاعتيادية

وأهم شي عدم الإحباط بأي مشكلة ممكن تصير أثناء السنة أو حتى وقت الفحص وغلطك بسؤال بالفحص ما بيعني أبداً أنو راح عليك الشي الي بتتمناه .

وشكراً لكل حدا ساعدني للوصول لهالنجاح☺.