قصص المتفوقين

هذه قصة نجاح وتفوق طالبة النخبة " أماني الشردوب " الحاصلة على العلامة الكاملة في الإمتحان النهائي للشهادة الثانوية الفرع العلمي بمجموع 2900 . للعام الفائت 2021 👩🏻&zwj🎓👑.

✨During my baccalaureate year, I was repeating the phrase " I will make my own story " 

I managed to make it and now I'm writing it🔥

مرحبا

انا الطالبه اماني محمد الشردوب

حبيت احكيلكن شوي عن سنه البكالوريا اللي كانت بالنسبه الي هي رحله طويله وبعدا لهلأ محفوره بذاكرتي بكل تفاصيلا🍃

قضيت فيها اوقات كتير حلوه مع اساتذتي، آنساتي، رفقاتي واهلي اللي كتير تعذبوا معي

ومتل كل السنين فيها اوقات صعبه...

✨مشيت مع مذاكرات المدرسه قدر الامكان لانو هي اللي بتنظم افضل طريقه للدراسه بس لما قصرت بآخر كم تقرير واللي كان سببه الاساسي النوم لساعات طويله، قررت انو بطل اهرب من المسؤوليه او طلع عالمنافسات مع اي شخص تاني لانو كل حدا الو ظروفه وقدراته واحلامه وهون بلش الجد...

حاولت نظم وقتي وحددت الاولويات من كل ماده وركزت عليها يعني في ابحاث فهميه وابحاث حفظيه وفي شويه ابحاث انا حذفتا ☹️

دخلت عالامتحان عم قول دايما انا  كنت اتمنى الخير للجميع معناتا الخير رح يرجعلي، وانو اختيارات رب العالمين اكييد افضل من اختياراتنا🤍

حصلت على مجموع 2390/288.4 بالدوره الاولى

زعلت كتير لانو بعرف عندي اختيار غلط بالعربي بس ماكنت عرفانه انو اجابتي بالانكليزي لسؤال مانزلت بالسلم💔

قلت الحمدلله يمكن المجموع التام مو خير لإلي...

لحد ماتذكرت مجموعي بالثالث اعدادي 3089 المرتبه التانيه 

(نقصني11 بالعربي كمان😅)

قلت بوقتا لو في تكميليه يمكن كنت اقدر سكر المجموع🤷🏼&zwj♀️

 وبتشجيع اهلي واساتذتي وحتى رفقاتي قدمت تكميليه وكان احلى امتحان بقدمو لانو بكل بساطه كنت متطمنه وشو مابدا تطلع العلامه تطلع ( وهيك لازم نقدم كل امتحاناتنا)

النتيجه2400/2900

مانا مجرد رقم وانما حلم ، هدف وتعب 12 سنه❤&zwj🩹 ...

فرحت كتير وعرفت 

انو المره الاخيره من كل شي مريحه🍃

وانو المحاوله الاخيره قبل الافلات  والالتفاته الاخيره قبل المضي هي اللي مكنتني من اثبات نفسي ورد جزء بسيط من تعب اهلي ومدرستي معي ...💜

✨ بكل سنه عم تمر من حياتي بشكل عام عم ادرك انو عم خاف اكتر من اللازم وعم اهلك من كثرة التفكير والاعتقاد انو كتير شغلات مستحييله بس الحقيقه هي العكس لانو رب الخير لايأتي الا بالخير 

✨شكرا لكل حدا ساعدني ودعمني💜

✨نصائح :

🍃 شو مادرست دايما عندك وقت، والتكميليه او الاعاده هنن فرص تانيه بدها تشجيع وعزيمه واراده قويه 💜

🍃انهض وحاول مره تانيه ولا تقارن نفسك هلأ إلا بنفسك سابقا💜

🍃لاتوقف حتى تكون انت فخور وراضي لانو الدرب طويل والاحلام كتيره والفرج رح يجي باذن الله💜

🍃 نصف تقييم البكالوريا هو تعبك آخر شهر مع شهر الامتحان💜

✨الاغلبيه بتقول :

🍃سنه الباك هي احلى سنه مرت وهي اسهل من الجامعه، لهيك حاول تقنع حالك بهالشي هلأ عشان تتأكد بعدين، وهاد اللي صار معي💜

✨J'espère que je vous ai donné l'espoir mes amis!

Bonne chance à nous tous💜

#أسرة_النخبة_التعليمية تتمنى #لأماني دوام التوفيق والنجاح في مسيرتها العلمية في السنة التحضيرية بكلية الطب 💜💚