قصص المتفوقين

هذه قصة نجاح وتفوق طالب النخبة " هشام حاج عبدو " الحاصل على العلامة الكاملة في الإمتحان النهائي للشهادة الثانوية الفرع العلمي بمجموع 2900 . للعام الفائت 2021 🧑&zwj🎓👑.

مرحبا 😊 انا هشام حاج عبدو  ✍️ 

🟢 حابب احكيلكن عن قصة تحقيقي لمجموع 239.4 في الدورة الاولى و كيف قدرت اوصل للمجموع الكامل 2900 بالدورة الثانية لعام 2020-2021 .

هلق اول شي رح يخطر ببالكن انو انت رايحلك اجزاء من العلامة و مع هيك دخلت تكميلي!! .. رح قلكن السبب :

وقت طلعت نتائج الدورة الاولى و طلعت ماني مجمع المجموع يلي ببالي كنت مزعوج لانو ما حققت هدفي و بظن كان مبين علي . هون انا بلشت استشير الاساتذة و الطلاب يلي أكبر مني .. فانقسم الناس لمجموعتين .. مجموعة بتقلي أكمل و مجموعة بتقلي خلص ما عاد مهمة .. انا هون وقعت بالحيرة .. بس تحت اصرار اخي فتت تكميلي و ما رديت عحدا .. و الحمدلله الله وفقني و ما خجلني و خلاني اوصل للمجموع يلي بدي ياه .. 

هلق الطلاب يلي حيقدمو هلسنة بكالوريا .. بحب قلكن انو ممكن يكون اي واحد فيكن بمطرحي .. فحاولو من هلق تحطو هدف قدامكن و تشتغلو عحالكن لتوصلو لهالهدف .. لانو بتعرفوا عقد ما بتشتغل عقد ما بتجيب .. فاشتغلوا و الله ما حيضيع تعب حدا انشاءالله .. 

🟣 اما بالنسبة ليلي بلشو يملو و يكتئبوا لانو ما عم يأنتجوا متل ما هنن بدن .. فبحب قلكن انو هاد أمر طبيعي .. و الشطارة مو بانو تقع .. الشطارة بانك ترجع توقف و ما تستسلم فورا .. لانو بكرا حيمر عليك ظروف ابشع من هيك فحاول تكون قوي و ما تستسلم بسهولة ..

طبعا انت بهالمرحلة بدك تلاقي ناس تحبك و ناس بتكرهك شي طبيعي .. فانت حاول ترافق الناس يلي بتحبك يلي بكونو سند لالك بالاوقات الصعبة متل رفقاتي يلي وقفو معي و دعموني ❤️

اخيرا .. لسا في وقت لحتى تحققوا كل احلامكن فاشتغلوا و انتوا قدها انشاءالله ❤️

#أسرة_النخبة_التعليمية تهنئ  طبيب المستقبل "هشام حاج عبدو" على نجاحه وتفوقه وتتمنى له النجاح والتميز في مسيرته العلمية  بجامعة حلب 🧑&zwj🎓👑.